O proxecto Falemos continúa a súa andaina, esta vez cos grupos de 1º de Bacharelato A e B. O eixo temático da actividade é a figura de Vasquida GarcÃa, menciñeira que viviu nos arredores de Pontevedra durante o século XVI. Coñecedora das propiedades curativas das herbas e muller adiantada ao seu tempo, foi detida e castigada pola Inquisición. A partir desta historia, descoñecida para moitos de nós, o alumnado está creando un xogo de rol en vivo, establecendo a trama, as personaxes, a ambientación e as probas. Para saber máis sobre esta muller podedes ler a súa biografÃa en www.dogrisaovioleta.gal, páxina do proxecto homónimo que pretende recuperar a memoria das mulleres da nosa contorna.
Deixamos unhas poucas imaxes das sesións realizadas ata o momento:
