O EDLG inicia este proxecto co desexo de que vexa continuidade nos futuros cursos escolares.

​

A curto prazo: 

​

• Levar a cabo un proxecto a nivel de centro adoptando un enfoque colaborativo (traballo por proxectos, aplicación práctica do coñecemento, etc.).

• Crear actividades e exposicións para o Día das Letras Galegas coa finalidade de converter o alumnado en protagonista e partícipe desta celebración enchendo de contido o mes de maio con todos os produtos do proxecto.

• Traballar as competencias comunicativas básicas do alumnado, sobre todo, priorizando a oralidade, provocando situacións de interacción cotiá entre os seus iguais, e entre este e o profesorado.

• Coñecer as principais manifestacións culturais galegas.

• Dar a coñecer os principais conceptos relacionados coa diversidade sexual e cultural.

• Dar a coñecer o importante labor que realizaron historicamente as mulleres no contexto inmediato do alumnado (económico, cultural, social, político, etc.).

• Fornecer do material básico e dos recursos necesarios (internet, bibliografía, etc.), e dar asesoramento lingüístico ao profesorado e ao alumnado para a mellora da competencia comunicativa.

A longo prazo: 

​

Na idea de que este proxecto teña continuidade futura, pretendeuse que tanto as catro liñas temáticas que vertebran Falemos de ti e min (lingua, cultura, perspectiva de xénero e atención á diversidade)  como os seus obxectivos coincidan plenamente co ideario educativo e os obxectivos do centro (educativos e pedagóxicos, de convivencia e de cooperación) recollidos no Proxecto Educativo.

Tamén son coincidentes cos establecidos no Proxecto Lingüístico (2019-2022), na Programación Xeral Anual (2018-2019) e con moitos dos aspectos sinalados no Plan Xeral de Atención á Diversidade.