A partir das 13:00 h do xoves 16 de maio, o alumnado de 1º da ESO puido asistir a unha dupla actuación no ximnasio do IES:
1. Por unha banda, 2º da ESO realizou unhas actuacións musicais e de baile.
2. Por outra banda, o alumnado de 4º da ESO impresionou os seus compañeiros e compañeiras cunhas preciosas escenificacións de poemas realizados por autores e autoras coñecidas. Consultade máis información deste acto noutra entrada facendo clic aquí.
A xornada, que se desenvolveu intercalando ambas as actividades, estivo presentada por Matías e Sofía, de 2º C, que animaron os primeiros minutos do acto e avivaron os ánimos dun público expectante. Cun estilo moi profesional, souberon dirixir o acto de maneira impecable. Moitos parabéns!
As actuacións musicais e o baile, como xa foi adiantado noutras entradas deste blog, insírese no proxecto "Literatura e música", no cal o alumnado de 2º compuxo as súas propias letras e tocou a súa propia música adaptándoa a partir de cancións coñecidas elixidas por eles/as.
Fotos e vídeos de cada grupo:
O alumnado de 2º da ESO creou a súa propia versión a partir de tres coñecidas cancións compostas por Sés.
Velaquí os textos das súas versións:
Curso: 2º ESO A
Letra: alumnado de 2º ESO A
Tema: diversidade sexual
Música: TEMPESTADES DE SAL (SES)
Nesta terra que non nos acolle
que nos discrimina e nos fai berrar
infestada de mentes pechadas
que non nos escoitan e nos fan calar.
Vivo dentro dun pequeno armario
no que da homofobia non podo escapar
coa esperanza de que isto remate
para ver o momento de nos libertar.
Mais aínda seguimos aquí
a aturar os prexuízos do mal
resistindo o desprezo de mans
desa xente insolente que nos fai chorar.
Construiremos un mundo mellor
cunha loita no medio do mal
que ilumina o medo máis negro
que esquece o desterro e anima a olvidar.
Cando as palabras son coma pedras
que van polo aire atravesando a pel
non debemos deixar que nos manquen
falta a irmandade que axude a crecer.
Se deixamos de discriminar
e buscamos xa unha boa solución
poderemos falar de verdade
e dicir o que senten estes corazóns.
Mais aínda seguimos aquí
a aturar os prexuízos do mal
resistindo o desprezo de mans
desa xente insolente que nos fai chorar.
Construiremos un mundo mellor
cunha loita no medio do mal
que ilumina o medo máis negro
que esquece o desterro e anima a olvidar.
Curso: 2º ESO B
Letra: 2º ESO B
Tema: apoderamento da muller
Música: SEMENTE DE VENCER (SES)
Somos mulleres guerreiras
que loitan polo que queren
non somos todas iguais
pero si igual de valentes.
Cando eu saio á rúa
non me sinto ofendida
danme igual as miradas
e tamén o que critican.
Faite forte, muller, faite forte,
non vales menos ca el
Faite forte, muller, faite forte,
xa verás que ti podes con el.
“Que eu non podía facelo”
dixéchesme por ser muller
“Como rosa delicada...
así deberás de crecer”.
“As mulleres para a casa
e os homes son os da caza”
ti vai dicindo parvadas
xa non van servir de nada.
Faite forte, muller, faite forte,
non vales menos ca el
Faite forte, muller, faite forte,
xa verás que ti podes con el.
Curso: 2º ESO C
Letra: 2º ESO C
Tema: violencia de xénero
Música: MILONGA DE AQUÍ (SES)
Contigo na miña vida
sumo feridas e loitos
que sexan poucas ou moitos
xa non me deixan sorrir.
Explicando a situación
e intentando que razoes
vai pasando a miña vida
e murchando a súa flor
isto é cada vez peor
o amor xa non ten cabida.
Xa non podo soportalo
farta estou da mesma merda
que elixas as miñas prendas
xa non cho permito máis.
Tampouco che deixarei
que controles o meu móbil
cuestionar os meus amigos
ou non deixarme saír
porque eles si me fan rir
e eu me sinto liberada.
Non quero fregar os pratos
non quero ter catro fillos
non quero ser a túa escrava
ti non es o meu señor.
Con esperanza e ilusión
defendemos os dereitos
pois unidas somos moitas
aquí empeza a rebelión.
Interviñeron nas actuacións musicais:
2º A: Frida, Laura, Odín, Anxo, Joaquín, Sergio, Bruno, Ariadna, Javier, Candela, Miguel Ángel, Laura, Paula, Noelia, Ramón, Lucía, Rebeca, Hugo, Alejandro, Daniela, Pablo.
2º B: Sonia, Cristina, Antía, David, Silvia, Lara, Luis, Sara, Manal, Deisy, Gonzalo, Fiz, Anthía, Daniel, Íker, Andrea Victoria, Óliver, Mikaela, Brais, Izaskun, Ilyas.
2º C: Antía, Sofía, Miguel Ángel, Uxía, Ángeles, Anxo, Lucía, Iria, Daniel, Wassim, Manuel, Matías, Lorena, Yanira, Maruxa, Óscar, Paula, Raúl, Uxía.